Britaniya Xarici İşlər Nazirliyi bazar ertəsi bəyanat yayaraq, “İngiltərədəki jurnalistlərə qarşı davamlı təhdidlər” səbəbi ilə İran səfirini çağırdığını bildirib.
Vətəninfo.az xəbər verir ki, bəyanatda deyilir: “İranın müvəqqəti işlər vəkilinin diqqətinə çatdırılıb ki, İngiltərədə mətbuat azadlığına qarşı heç bir təhlükəyə dözüm nümayiş etdirilməyəcək”.
İngiltərə XİN-nin açıqlamasına görə, bu addım “İran İnternational” telekanalının əməkdaşlarına qarşı İran hökuməti tərəfindən davamlı təhdidlər olduğu ilə bağlı İngiltərədəki fəaliyyətini dayandırmaq qərarından sonra atılıb.
