İran ABŞ hərbçilərinin başına mükafat qoyub.
Vətəninfo.az “Tasnim” agentliyinə istinadən xəbər verir ki, bu barədə İran ordusunun komandanı general-leytenant Əmir Hatəmi danışıb.
O, mükafat məbləğinin 30 min dollar olduğunu bildirib: “Əgər hər hansı İran hərbçisi təcavüzkar bir Amerika hərbçisini tuta və ya öldürə bilsə, 30 min dollarlıq mükafat alacaq”, – deyə komandan qeyd edib.
O, həmçinin qadın amerikalı hərbçinin öldürüldüyü və ya əsir götürüldüyü təqdirdə mükafatın ikiqat artırılacağını da söylədi. Hatəminin sözlərinə görə, proqram “çoxlu sayda insanın” maliyyə dəstəyində iştirak etmək istəyini bildirməsindən sonra hazırlanıb.
Əmir Hatəmi bildirib ki, İran Yaxın Şərqdəki ABŞ hərbi bazalarının yenidən fəaliyyətini bərpa etməsinə icazə verməyəcək: “Hər kəs bilməlidir ki, Amerika bazaları heç bir halda əvvəlki vəziyyətinə qayıtmaq iqtidarında deyil və İran heç vaxt buna icazə verməyəcək”, – deyə o bildirib.
Komandan həmçinin qeyd edib ki, ABŞ Hörmüz boğazından kənarlaşdırılıb: “Artıq onların Fars körfəzinə, Oman dənizinə və Hörmüz boğazına daxil olmaq icazəsi yoxdur”, – general-leytenant bildirib.
