“Fars News” xəbər verir ki, Şərqi Azərbaycanın əyalətinin başçısı Abedin Xorrəm Culfa şəhərinə səfəri zamanı Ermənistanla Norduz və Naxçıvanla Culfa sərhəd terminallarına baş çəkib və bu iki sərhəd-keçid məntəqəsinin fəaliyyəti ilə yaxından tanış olub.
“Norduz sərhədində bizi ciddi narahat edən məsələlərdən biri də avtomobillərin yoxlanılması üçün X-Ray rentgen aparatının quraşdırılmasıdır” deyən vali əlavə edib: “Sevindirici haldır ki, bu ilin yanvarında buna nail olunub və avtomobillərin hərəkətini asanlaşdırmaq, qaçaqmalçılıq yolu ilə gətirilən malların ölkəyə giriş-çıxışının qarşısını almaq üçün sözügedən sistemdən optimal şəkildə istifadə edilməlidir”.
