İranda davam edən etiraz aksiyalarının qarşısını almaqda acizlik çəkən rəsmi Tehranın Rusiya ilə gizli danışıqlar apardığı haqqında ilginc məlumat yayılıb. Vətəninfo.az xəbər verir ki, Qərb və etirazçılarla mübarizədə Rusiyadan təhlükəsizlik dəstəyi almaq istəyən İran rəsmiləri Moskvaya səfər ediblər. Bu barədə
“Fiqaro” qəzetinin tanınmış jurnalisti Georges Malbruno öz məqaləsində İran və Rusiya arasında artan yaxınlıq və hərbi əməkdaşlığa toxunaraq yazıb ki, Tehran Ukrayna savaşında Rusiyaya silah dəstəyi müqabilində indi Moskvadan təhlükəsizlik mühafizəsi çətirini açmağı gözləyir.
Qəzet yazır ki, oktyabrın 6-da İranın 1-ci vitse-prezidenti Məhəmməd Moxber 2 SEPAH generalı və İran Ali Milli Təhlükəsizlik Şurasının bir üzvü ilə birlikdə Moskvaya gedib və Rusiyaya Ukrayna müharibəsində silah dəstəyi qarşılığında rəsmi şəkildə təhlükəsizlik dəstəyi istəyib.
Vətəninfo.az
