“İran yeni növ qabaqcıl uzunmənzilli döyüş pilotsuz uçuş aparatlarını Rusiyaya aparmaq üçün qaçaqmalçılıq yolu ilə qayıqlardan və dövlətə məxsus aviaşirkətdən istifadə edir. PAU-lar gələcəkdə Ukraynadakı müharibədə Rusiya tərəfindən istifadə ediləcək”.
Vətəninfo.az xəbər verir ki, bu barədə “The Guardian” Tehrandakı mənbələrə istinadən xəbər verib.
Nəşr qeyd edib ki, Rusiya zabitləri və texniki mütəxəssislərinin 2022-ci ilin noyabrında Tehrana xüsusi səfərindən sonra İran tərəfi ən azı 18 PUA-nı Rusiya Hərbi Dəniz Qüvvələrinə təhvil verib.
Onların arasında hər qanadının altında iki raket olmaqla 200 km məsafəyə qədər uçmaq qabiliyyətinə malik “Mohajer-6”, həmçinin 12 ədəd “Shahed 191” və “Shahed 129” PUA-ları olub.
