İranın Ermənistandakı səfiri Laçın dəhlizinin vəziyyəti ilə bağlı erməni mətbuatına müsahibə verib. Vətəninfo.az xəbər verir ki, anti-Azərbaycan və ermənipərəst mövqeyi ilə tanınan İran səfiri Abbas Bədəxşan Zuhuri deyib: “Laçın dəhlizi açılmalıdır. Biz vəziyyətin həm humanitar nəticələrinə görə, həm də regionda sülhün əldə olunması prosesinə mənfi təsiri baxımından narahatıq. Fikrimizcə, bütün tərəflərin öncəki razılaşmalara uyğun olaraq öz öhdəliklərinə əməl etməsi zəruridir”.
Xoşbəxtlikdən qazın kəsilməsi probleminin həll olunduğunu və sakinlərin qanuni gediş-gəlişinin bərpa olunacağına ümid etdiyini deyən səfir deyib: “Fərqli tərəflər vəziyyətin kökündə müxtəlif mövqelər nümayiş etdirirlər, lakin, əvvəlki öhdəliklərə yerinə yetirmək və xüsusilə humanitar məsələlərə hörmət etmək lazımdır”.
