İranda qeyri – adi restoran fəaliyyətə başlayıb. Vətəninfo.az xəbər verir ki, Tehranda açılan restoran eyni həbsxananı xatırladır. Burada müştərilər məhbuslar kimi kamerada yemək yeyirlər.
“16 nömrəli kamera” adlı Fast Food – zindana bənzər dekorasiyalı restorandır. Buranın sahibləri bir vaxtlar həbsxanaya düşürlər və 3 ildən sonra bir naməlum xeyriyyəçi onları həbsdən azad edir. Onlar da bir neçə il sonra Tehranpars bölgəsində bu restoranı açır və gəlirlərinin 1%-ni qəsdən törədilməmiş cinayətlərdən həbsxanaya düşənlərə yardım üçün ayırırlar. Siz də bu restorana baş çəksəniz, həbsxana formasını geyinib və məşhur “16 nömrəli kamera”da şəkil çəkdirə bilərsiniz.