Vətəninfo.az xəbər verir ki, bölgədə hərbi gərginliyin artdığı bir vaxtda, dünən İran silahlı qüvvələri cənub sahil zolağında genişmiqyaslı hərbi hava təlimlərinə başlayıb.
İran mediasının verdiyi məlumata görə, SEPAH və ordu qüvvələrinin birgə başladığı təlim Abadandan Çabahara qədər, yəni İran körfəzi sahilləri və ərazi suları, Oman dənizi sahilləri boyunca 400 kilometr məsafədə keçirilir.
Qeyd olunub ki, onlarla pilotlu və pilotsuz təyyarənin də qatıldığı hərbi təlimin məqsədi hava hücumundan müdafiə, təyyarələrlə mübarizə, neft emalı zavodları, atom elektrik stansiyaları və limanlar kimi həssas və həyati əhəmiyyətli mərkəzləri müdafiə etməkdir.
