İran Xarici İşlər Nazirliyi: Tehran Türkiyə-Pakistan-Səudiyyə Ərəbistanın Məkkə razılaşmasını özünə qarşı yönəlmiş hesab etmir
Vətəninfo.az xəbər verir ki, İran Xarici İşlər Nazirliyinin sözçüsü İsmail Bəgai bildirib ki, Tehranın Türkiyə, Pakistan və Səudiyyə Ərəbistanı arasında üçtərəfli razılaşmanı İranı hədəf alan kimi görməsinə heç bir səbəbi yoxdur.
Onun sözlərinə görə, regional əməkdaşlıq üçün yeni formatın ortaya çıxması Yaxın Şərq dövlətlərinin yalnız ABŞ-a və digər xarici güclərə güvənmək əvəzinə, öz təhlükəsizlik məsələlərini müstəqil şəkildə həll etmək istəklərini nümayiş etdirir.
İsmail Bəgai qeyd edib ki, regiondakı ölkələr tədricən təhlükəsizlik sahəsində öz imkanlarına və yanaşmalarına güvənməyin, dağıdıcı xarici müdaxilədən qaçınmağın vacibliyini anlamağa başlayırlar.
