İsrail hərbçilərinin işğal altındakı İordan çayının qərb sahilində Nablus şəhərinə təşkil etdiyi basqında ilk məlumatlara görə 9 fələstinli həyatını itirib, 100-dən çox nəfər isə yaralanıb.
Vətəninfo.az xəbər verir ki, şahidlərin sözlərinə görə, İsrail qüvvələri İordan çayının qərb sahilinin şimalında yerləşən Nablus şəhərinə bir neçə girişdən basqın edib.
Belde əl-Kadime bölgəsində evlərdən birini mühasirəyə alan İsrail qüvvəhlərilə bölgə sakinləri arasında baş verən insidentdə silah və partlayış səsləri eşidilib.
Fələstin Səhiyyə Nazirliyinin mənbələri basqın zamanı 9 fələstinlinin həyatını itirdiyini, 6-sı ağır olmaqla 102 nəfərin yaralandığını bildirib.
Fələstinin rəsmi agentliyi WAFA-nın xəbərində İsrail qüvvələrinin həqiqi güllələrlə müdaxiləsi nəticəsində 2 jurnalistin yaralandığı bildirilib.
İsrail qüvvələrinin bölgəyə basqın etməsindən sonra hadisələr davam edir.
