“Yaxın aylarda səfərbərliyin yeni dalğası Rusiya ordusunun vəziyyətini daha da pisləşdirəcək”.
Vətəninfo.az xəbər verir ki, bunu ABŞ-ın Müharibə Təhqiqat İnstitutu(ISW) Rusiya-Ukrayna müharibəsinə dair son hesabatında bildirib.
Ətraflı
İnstitututun mütəxəssisləri hesab edirlər ki, Rusiyada sentyabrda elan edilmiş qismən səfərbərliyin başa çatdığı bildirilsə də, əslində, Kreml səfərbərliyi dayandırmayıb: “Aydın görünür ki, Rusiya hakimiyyəti səfərbərlik tədbirlərini heç vaxt tam dayandırmayıb. Bu, o deməkdir ki, məhdud sayda səfərbər edilənlər hələ də hazırlıq sistemindən keçirilirlər”.
Bununla yanaşı, institut hesab edir ki, Rusiyanın böyük sayda çağırışçını və səfərbər edilən şəxsləri lazımi geyim, silah və qidalanma ilə təchiz etmək imkanları aşağıdır. Eyni zamanda, Rusiya səfərbərlik və ordu sisteminin bu insanlara hazırlıq keçmək potensialı da məhduddur. Ona görə də səfərbərliyin yeni dalğası rus ordusunun vəziyyətini daha da ağırlaşdıracaq: “Səfərbərliyin yeni dalğası yaxın aylarda ordudakı vəziyyəti daha da ağırlaşdıracaq və Ukrayna cəbhəsinə atılacaq ordunun keyfiyyətini azaldacaq”.“AzPolitika.info”
