Polşa prezidenti Andjey Dudanın beynəlxalq məsələlər üzrə rəsmi nümayəndəsi Marçin Pşidaç Ukraynaya göndəriləcək Sovet istehsalı “MIQ-29” tipli döyüş təyyarələrinin bir hissəsinin bu ölkəyə təhvil verildiyini deyib.
Vətəninfo.az xəbər verir ki, Marçin Pşidaç bu barədə Polşanın RMF FM radiosuna verdiyi müsahibədə bildirib.
O, Ukraynaya neçə ədəd “MIQ-29” tipli döyüş təyyarəsinin göndərildiyi ilə bağlı məlumat verməyib.
“Ukrayna prezidenti Volodimir Zelenskinin aprelin 5-də Polşaya səfəri zamanı Ukraynaya daha çox dəstək verilməsi mövzusunda müzakirələr aparılacaq”,-deyə Marçin Pşidaç bildirib.
Polşa prezidenti Andjey Duda martın 16-da bildirib ki, yaxın günlərdə” Ukraynaya 4 Sovet istehsalı ”MiQ-29” qırıcısı göndərməyi planlaşdırırlar.
Polşanın baş naziri Mateuş Moravetski də martın 14-də Sovet istehsalı ”MiQ-29” qırıcılarını 4-6 həftə ərzində Ukraynaya göndərə biləcəklərini bildirib.
Ukrayna lideri digər NATO üzvlərini də Kiyevə təyyarə göndərməyə çağırır.
Ukrayna havadan müdafiəsini gücləndirmək üçün Qərb ölkələrindən döyüş təyyarələri tələb edir.
