PSJ-nin hücumçusu Kilian Mbappe “Real Madrid”ə keçəcək. Sport.fr-in əldə etdiyi məlumata görə, “kral” klubu 24 yaşlı futbolçunun transferi ilə bağlı parislilərlə razılığa gəlib.
Vətəninfo.az xəbər verir ki, Liqa 1 çempionu transfer üçün məbləği açıqlanmayan bonuslarla kompensasiya alacaq.
Real Madriddə Mbappe ildə 35 milyon avro qazanacaq ki, bu da fransızı komandanın ən çox maaş alan futbolçusu edəcək.
Kilianın PSJ ilə hazırkı müqaviləsi 2024-cü ilin yayına kimi nəzərdə tutulub. Fransa çempionatının cari mövsümündə hücumçu 14 oyun keçirib, 15 qol vurub və 4 məhsuldar ötürmə edib.
