Vətəninfo.az İran mediasına istinadən xəbər verir ki, İranın taekvando üzrə milli yığmasının üzvü Fatimə Ruhani Almaniyaya qaçıb.
Tanınmış idmançı Cənubi Koreyanın İnçeon şəhərində keçirilən Asiya oyunlarında gümüş medal qazanaraq bacarığını göstərmiş keçmiş taekvandoçulardan biridir.
Xatırladaq ki, Fatimə Ruhani ilə yanaşı son illərdə müxtəlif idman sahələrində medallar qazanan İran milli komandasının üzvləri xarici ölkələrə sığınıblar. İdmançıların artan bu miqrasiyaları hal-hazırda ölkə ərazisində baş verən etirazlara qarşı repressiyaların güclənməsi ilə bağlıdır.
