image-642bd4a0b460ebackend

Moskvada Suriya üzrə toplantı başlayıb

image-reklam_sirab_01

Rusiyanın paytaxtı Moskvada Türkiyə, Rusiya, Bəşər Əsəd rejimi və İran xarici işlər nazirlərinin müavinləri səviyyəsində Suriya ilə bağlı görüş başlayıb.

Vətəninfo.az xəbər verir ki, Rusiya Xarici İşlər Nazirliyində nazir Sergey Lavrovun açılış nitqi ilə çıxış etdiyi iclasda Türkiyə nümayəndə heyətinə xarici işlər nazirinin müavini Burak Akçapar başçılıq edir.

Toplantıda Rusiyanı təmsil edən prezident Vladimir Putinin Orta Şərq və Afrika ölkələri üzrə xüsusi nümayəndəsi Mixail Boqdanov, İranı təmsil edən xarici işlər nazirinin siyasi məsələlər üzrə müşaviri Əli Əsgər Hacı və Əsəd rejimini təmsil edən xarici işlər nazirinin müavini Eymen Susan iştirak edir.

Diplomatik mənbələrdən əldə edilən məlumata görə, Moskva danışıqları 4 ölkənin xarici işlər nazirləri arasında arzu olunan görüş üçün zəmin araşdırması olacaq.

Tərəflər nazirlərin hansı gündəliyi görüşə biləcəyi və hansı əməkdaşlıq sahələrini nəzərdən keçirə biləcəkləri barədə fikir mübadiləsi aparacaqlar.

Görüş mətbuata qapalı keçirilir.

 


  • whatsapp
  • messenger
  • telegram
  • vkontakte
  • odnoklassniki