Pekinə səfəri zamanı Aleksandr Lukaşenko Qərbin Ukraynaya yardımını ləngitmək və Kiyevi danışıqlara məcbur etmək məqsədi daşıyan Rusiyanın informasiya əməliyyatını təbliğ edir. Vətəninfo.az xəbər verir ki, bu barədə Amerika Müharibə Araşdırma İnstitutu (ISW) yazır.
Amerikalı analitiklər bildirirlər ki, Kreml Belarus prezidenti Aleksandr Lukaşenkodan Qərbin Ukraynaya kritik silahların çatdırılmasını gecikdirmək üçün şərait yaratmaq məqsədi daşıyan informasiya əməliyyatını təşviq etmək üçün kanal kimi istifadə edir.
Xüsusilə, Lukaşenko Çinə səfəri zamanı Rusiyanın sülh yolu ilə nizamlanması istiqamətində addımlar atmağa hazır olduğunu, Ukraynada müharibəyə son qoymaq üçün unikal imkanın olduğunu bildirib. Lukaşenko həmçinin Qərbi və ABŞ-ı guya Ukrayna rəsmilərini Rusiya ilə danışıqları dayandırmağa məcbur etməkdə ittiham edib.
