NATO İrandan Avropadakı ABŞ hərbi obyektlərinə zərbələr endiriləcəyi təqdirdə üzv ölkələrinə yönələn təhdidlərə cavab verməyə hazırdır.
Vətəninfo.az xəbər verir ki, bu barədə NATO-nun nümayəndəsi CNN-ə bildirib.
“NATO istənilən təhdidə qarşı durmağa hazırdır və müttəfiqləri qorumaq üçün bütün zəruri tədbirləri görəcək”, – o qeyd edib.
Bu açıqlamalar “Financial Times” qəzetinin İrana yaxın mənbələrə istinadən Tehranın Vaşinqtonun müharibəni genişləndirməsi halında Avropadakı ABŞ hərbi obyektlərinə hücum ehtimalını nəzərdən keçirdiyini bildirməsindən sonra səsləndirilib.
Şimali Atlantika Müqaviləsinin 5-ci maddəsində təsbit edilmiş kollektiv müdafiə prinsipinə əsasən, alyans üzvlərindən birinə edilən hücum hamıya edilmiş hücum kimi qiymətləndirilir. Bu günə qədər bu maddə yalnız bir dəfə – 2001-ci il sentyabrın 11-də ABŞ-də baş vermiş terror aktlarından sonra həyata keçirilib.
