İsrailin Baş naziri Binyamin Netanyahu ölkəsinin Suriyada onu təhdid edən Türkiyə hərbi mövcudluğuna dözməyəcəyini açıqladı. Vətəninfo.az xəbər verir ki , o, bu açıqlamanı X səhifəsində verib.
“Biz İsraili təhdid edən Türkiyənin Suriyadakı hərbi mövcudluğuna dözməyəcəyik”, – deyə o bildirib. “Biz açıq bir mesaj göndərdik: xeyr. Görünür, onlar bunu kifayət qədər yaxşı eşitməyiblər, ona görə də onların bunu daha yaxşı başa düşdüyünə əmin olduq.”
Netanyahu bu açıqlamanı 18 avqustda Suriyanın İdlib əyalətindəki hərbi hava limanına edilən hava hücumlarına cavab olaraq verib. O bildirib ki, İsrail Müdafiə Qüvvələri Dəməşqə Türkiyənin ölkədəki hərbi mövcudluğu ilə bağlı bir neçə dəfə xəbərdarlıq edildikdən sonra Suriyadakı hərbi bazaya zərbə endirib.
Avqustun 19-da Netanyahunun ofisi Suriyanın Türkiyə qoşunlarının ölkənin şimalındakı hava bazasında yerləşməsinə icazə verməklə İsraillə təhlükəsizlik status-kvonu “pozmağa yaxın” olduğunu açıqladı.
