Kremlin sözçüsü Dmitri Peskov bildirib ki, Rusiya və Belarus prezidentləri Vladimir Putin və Aleksandr Lukaşenko arasında yaxın gələcəkdə təmas gözlənilir. Danışıqların mövzularından biri Ukrayna prezidenti Vladimir Zelenskinin son açıqlamaları olacaq.
Vətəninfo.az xəbər verir ki, Peskov əlavə edib ki, Lukaşenkonun özü planlaşdırılan əlaqələri daha əvvəl açıqlayıb və qarşıdan gələn söhbət bir sıra məsələləri müzakirə etmək üçün fürsət yaradacaq.
O, həmçinin qeyd edib ki, söhbət “aqressiv təhdidlərdən” və daxili işlərə müdaxilə və suverenliyə qəsd etmək barədə bəyanatlardan gedir.
Peskov vurğulayıb ki, Rusiya Belarusun suverenliyini müstəqil şəkildə təmin etmək qabiliyyətinə şübhə etmir.
Daha əvvəl Vladimir Zelenski Belarus ərazisində Rusiyanın dronları Ukrayna hədəflərinə yönəltmək üçün istifadə etdiyi iddia edilən transponderlərin olduğunu açıqlamış və onların söndürülməsini tələb etmiş, imtina etdikləri təqdirdə “cavab tədbirləri” ilə hədələmişdi.
