Rusiya Federasiyası Prezidentinin mətbuat katibi Dmitri Peskov Ermənistan Təhlükəsizlik Şurası katibinin bəyanatlarını təxribat xarakterli hesab edir.
Peskov Qriqoryanın açıqlamalarının reallığa uyğun gəlmədiyini bildirib:
“Rusiya rəsmilərindən heç biri bunu deməyib və heç kim vasitəsilə erməni tərəfinə təqdim etməyib”.
Qeyd edək ki, A. Qriqoryan Ermənistan İctimai Televiziyasına müsahibəsində Ermənistanın Rusiya-Belarus ittifaq dövlətinə qoşulması və öz ərazisindən Azərbaycana dəhliz verməsi üçün Moskvanın İrəvana müxtəlif vasitələrlə təzyiq etdiyini bəyan edib.
