Rusiya Prezidenti Vladimir Putin Rosatom-un baş direktoru Aleksey Lixaçevlə görüşündə ölkənin xarici təzyiqlərə cavab verəcəyini bildirib.
Vətəninfo.az xəbər verir ki, görüş Nüvə Sənayesi İşçiləri Gününə həsr olunub.
Lixaçev dövlət korporasiyasının sanksiyalar altındakı fəaliyyəti barədə danışarkən qeyd etdi: “Bizə nə qədər güclü təzyiq göstərsələr, nəticələrimiz bir o qədər yüksək olacaq.” Putin cavab olaraq dedi: “Hər kəsə özümüz təzyiq göstərəcəyik.”
“Rosatom” rəhbəri həmçinin korporasiyanın maliyyə göstəricilərini təqdim edib. O, əlavə edib ki, son 10 ildə korporasiyanın gəliri, dövlət müdafiə sifarişləri istisna olmaqla, dörd dəfə artaraq 3 trilyon rublu keçib.
Texnoloji suverenliklə bağlı yeni istiqamətlərdən əldə edilən gəlir bu dövrdə on dəfə artıb. Lixaçev hesab edir ki, şirkətin daha güclü olmasına səbəb olan sanksiya təzyiqi bu cür nəticələrin əldə edilməsinə böyük töhfə verib.
