Rusiya prezidenti Vladimir Putin Ukraynanın qismən işğal olunmuş Xerson vilayətinin qondarma “administrasiyası rəhbərinin müavini” Kiril Stremousovu “ İgidlik” ordeni ilə təltif edib. Vətəninfo.az xəbər verir ki,“ Xerson vilayətinin hərbi-mülki administrasiyası rəhbərinin müavini (ölümündən sonra) Kirill Serhiyoviç Stremousov xidməti borcunu yerinə yetirərkən göstərdiyi cəsarət və şücaətə görə “İgidliyə görə” ordeni ilə təltif edilsin”, – Kremlin saytında dərc olunan sərəncamda deyilir. .
Bu gün səhər saatlarında Rusiya KİV -i Xerson vilayətinin işğal administrasiyasının əməkdaşı, qondarma “rəhbər müavini” Kirilo Stremousovun yol qəzasında həlak olması barədə məlumat yayıb. “Ukrayna pravda”sının hüquq-mühafizə orqanlarındakı mənbəsi də Stremousovun ölümünü təsdiqləyib.
