Rusiya Prezidenti Vladimir Putinin yaxın adamlarından biri, Hesablama Palatasının sədri Aleksey Kudrin vəzifəsindən istefa verdiyini açıqlayıb.
“Report” “Mash”a istinadən xəbər verir ki, bu barədə Aleksey Kudrin açıqlama yayıb.
O, diqqətini böyük layihələrə yönəltmək istədiyi üçün Hesablama Palatasının sədri vəzifəsindən getdiyini söyləyib: “Bu barədə müəyyən edilmiş qaydada Rusiya Prezidentinə uyğun ərizə təqdim etmişəm”.
Qeyd edək ki, Putinin yaxın adamlarından biri kimi tanınan Kudrin vəzifəsindən istefa verməsi Rusiyada hakimiyyətin taleyinə inamsızlığın dərinləşməsi ilə izah olunur.
