Çeçenistan Müsəlmanlarının Ruhani İdarəsi özünün Telegram kanalında “Toy şənliklərinin keçirilməsinin məcburi normaları” adlı regionla bağlı sənədi dərc edib.
Vətəninfo.az xəbər verir ki, sənəd , respublika rəhbəri Ramzan Kadırovun göstərişi ilə hazırlanıb.
Nəşrdən belə çıxır ki, 50 min rubl məbləğində cehiz, çay, şəkər, qoyun “çeçen ənənələrinə uyğun olaraq” dəyişməz olaraq qalır. Gəlin qiymətinin məbləği istəyə görə, həm də ənənəyə görə təyin olunur.
Yeni qaydalara əsasən, kürəkən, qayınata, qayınana (kürəkənin valideynləri) və başqalarına bahalı hədiyyələr vermək qadağandır.
Həm də kürəkən tərəfindən ziyarət zamanı “bərpa edilmiş ənənədən artıq” hədsiz hədiyyələr etmək də məhdudlaşdırılır.
Bundan əlavə, gəlinin qohumlarını ziyarət edən bəyin valideynləri “Çeçen cəmiyyətində uzun müddət qəbul edilən”, lakin bahalı olmayan hədiyyələr hazırlamalıdırlar.
“İslam dininə və çeçen adətinə uyğun gəlməyən hər hansı israfçılıq, yəni brilyant üzüklər, xəz gödəkçələr, məişət texnikası, mənzillər, avtomobillər və s. kimi bahalı hədiyyələr qəti qadağandır”, – sənəddə deyilir.
