ABŞ rəsmilərinin sözlərinə görə, kimyəvi silah təhlükəsi Bayden administrasiyasında ciddi qəbul edilir.
Vətəninfo.az xəbər verir ki,ABŞ prezidenti Co Bayden administrasiyasının nümayəndələri təxmin ediblər ki, Rusiya prezidenti Vladimir Putin qoşunlarının Ukrayna döyüş meydanında mövqelərini itirməkdə davam edərsə, NATO ilə nüvə qarşıdurmasına getməzdən əvvəl ilk növbədə Ukraynada kimyəvi silahdan istifadə edə bilər.
Politico -nun xəbər verdiyi kimi , məsələ ilə tanış olan altı nəfərin sözlərinə görə, narahatlıqlar Bayden administrasiyasının müttəfiqlərin belə bir hadisəyə hazır olmasını təmin etmək, habelə aşkarlama sistemlərinin istehsalına yeni resurslar və investisiyaları səfərbər etmək səyləri fonunda yaranıb.
Adının açıqlanmasını istəməyənlər arasında ABŞ və Müdafiə Nazirliyinin nümayəndələri də var. Lakin ABŞ-ın Ukraynada belə bir hücumun qaçılmaz olduğunu söyləmək üçün heç bir kəşfiyyatı məlumatı yoxdur. Əslində, ABŞ Müdafiə Nazirliyinin bir çox rəsmiləri qış aylarında döyüşlərin dayanacağına və heç bir tərəfin bir çox mövqeləri ələ keçirə bilməyəcəyinə inanırlar.
