Rusiya Qara dənizdə Ukraynaya məxsus dörd şişmə qayığın ekipajları ilə birlikdə məhv etdiyini açıqlayıb.
Vətəninfo.az xəbər verir ki, Rusiya Müdafiə Nazirliyi bazar ertəsi səhər saatlarında Qara dənizin şimal-qərbində Ukrayna desant qoşunlarını daşıyan dörd şişmə qayığın məhv edildiyini açıqlayıb.
Nazirlikdən bildirib ki, ABŞ istehsalı olan Willard Sea Force şişmə qayıqları Krım yarımadasındakı Tarxankut burnuna doğru irəliləyirdi.
Qeyd edək ki, Ukrayna mövzu ilə bağlı açıqlama verməyib.
