image-444backend

Rusiyanın sensasion PLANI: Yaponiyaya hücum niyə təxirə salınıb?

image-reklam_sirab_01

Rusiya 2021-ci ilin yayında  Yaponiyaya hücum etmək niyyətində olub. Vətəninfo.az xəbər verir ki, bu barədə ABŞ mətbuatı məlumat yayıb.

Rusiya Federal Təhlükəsizlik Xidmətindən olan şəxsin paylaşdığı məxfi sənədlərdə deyilir ki, Rusiya 2021-ci ilin avqustunda Yaponiya ilə hərbi münaqişəyə kifayət qədər ciddi hazırlaşırdı.

“Ölkələrin kəskin qarşıdurma, hətta müharibə mərhələsinə keçəcəyinə inam yüksək idi. Nə üçün sonda Ukrayna müharibə üçün seçildi, ona başqaları cavab verəcək”.

Qeyd olunub ki, Kremlpərəst təbliğatçılar “nasistlər” və “faşistlər” haqqında terminologiyadan istifadə edərək rusların yaponlara nifrətini artırmalı idilər. Bu təbliğat kampaniyasında ilk addım İkinci Dünya müharibəsi zamanı Yaponiya xüsusi xidmət orqanlarının sovet vətəndaşlarına işgəncə verməsi və sovet hərbi əsirləri üzərində “dəhşətli bioloji eksperimentlər” aparması barədə məlumatın FTX tərəfindən məxfiliyi ləğv etmək idi. Bundan əlavə, Yaponiyanın 1938-ci ildən SSRİ ilə müharibəyə hazırlaşdığı, guya təxribat törətdiyi iddia edilirdi.

İkinci Dünya müharibəsindən sonra Rusiya və Yaponiya arasında rəsmi şəkildə sülh müqaviləsi imzalanmayıb. Buna səbəb Yaponiyanın iddia etdiyi bir qrup adadır. Bunlar Kuril adalarından Kunasiri, İturup, Şikotan və Xabomay adalarıdır. Tokio adaları özünün “Şimal əraziləri” hesab edir və bu məsələ onilliklər ərzində Rusiya ilə Yaponiya arasında münasibətləri gərginləşdirib.

“Yaponiya üçün bu, onun müasir geosiyasətinin təməl daşıdır: İkinci Dünya müharibəsində məğlub olmuş ölkə statusu hələ də yaponların rəsmi hərbi gücə, xarici kəşfiyyat xidmətinə və bir sıra başqa güclərə malik olmasına manedir. Yaponiya üçün Kuril adalarının qaytarılması əslində onun müharibədən sonrakı statusunun yenidən nəzərdən keçirilməsi və ya hətta ləğvi demək olardı” – , mənbə bildirib.


  • whatsapp
  • messenger
  • telegram
  • vkontakte
  • odnoklassniki