Bu gün İslam İnqilabının Keşikçiləri Korpusu (SEPAH) Hörmüz boğazı üzərində ABŞ-yə məxsus MQ-9 Reaper pilotsuz uçuş aparatını vurduğunu iddia edib.
Vətəninfo.az xəbər verir ki, SEPAH-ın yaydığı məlumata görə, dron İranın hava məkanına yaxın ərazidə aşkarlanıb və ölkənin hava hücumundan müdafiə qüvvələri tərəfindən vurulub.
Bildirilib ki, əməliyyat zamanı İranın “müasir” hava hücumundan müdafiə sistemindən istifadə olunub.
ABŞ tərəfi isə hələlik İranın bu iddiası ilə bağlı rəsmi açıqlama verməyib. Bu səbəbdən məlumat müstəqil mənbələr tərəfindən təsdiqlənməyib.
