İran XİN sözçüsü İsrailin xarici işlər naziri Koenin azərbaycanlı həmkarı ilə guya “İrana qarşı vahid cəbhənin yaradılması” ilə bağlı razılıq əldə etməsi barədə bəyanatlarını “Azərbaycan ərazisini İranın milli təhlükəsizliyi üçün təhlükəyə çevirməklə bağlı sionist rejimin mənfur niyyətlərinin daha bir sübutu” kimi qiymətləndirib və bunu kəskin qınayıb.
Vətəninfo.az İran XİN-in Twitter hesabına istinadən xəbər verir ki, məsələ ilə bağlı Azərbaycan rəsmilərindən izahat tələb edən Naser Kənani qeyd edib ki, “İran sionist rejimin Azərbaycan Respublikası ərazisindən ona qarşı konspirativ addımlarına biganə qala bilməz”.
