Son dəqiqə: Zəlzələdə ölənlərin sayı 12 min 391-ə yüksəldi
Türkiyədə Kahramanmaraşda baş verən 7,7 və 7,6 bal gücündə zəlzələdə kədərli mənzərə hər keçən dəqiqə daha da pisləşir. 10 əyaləti vuran fəlakətdə həyatını itirənlərin sayı 12 min 391-ə, yaralıların sayı isə 62 min 914-ə yüksəlib.
Vətəninfo.az xəbər verir ki, zəlzələ 10 əyalətdə böyük dağıntılara səbəb olarkən, axtarış-xilasetmə işləri fasiləsiz davam edir.
“1 il ərzində TOKİ-nin idarəçiliyində olan bütün podratçı şirkətləri cəlb edərək, mənzil tikintisini sürətləndirəcəyik. Bunlar bildiyimiz işlərdir. İnşallah Hatay, Kahramanmaraş və digər 8 əyalətimizdə bunları edəcəyik. İnşallah, rayonlara çatana qədər onlarla məşğul olacağıq”. -bunu zəlzələ bölgəsinə səfər edən Türkiyə prezidenti Rəcəb Təyyub Ərdoğan bildirib.
