Türkiyədə mayın 14-nə planlaşdırılan ümumi seçkilər ölkənin cənub-şərqində baş verən dağıdıcı zəlzələlər səbəbindən qeyri-mümkün ola bilər, lakin hakim Ədalət və İnkişaf Partiyası (AKP) hələlik onların ləğvini müzakirə etməyib, TGRT Haber telekanalının internet saytındakı qeyddə deyilir.
Bazar ertəsi səhər Türkiyənin cənub-şərqində 7,7 bal gücündə zəlzələ baş verib. Türkiyə prezidenti Rəcəb Tayyib Ərdoğanın sözlərinə görə, bu, 1939-cu ildən bəri ən güclü olub. Həmin gün günorta saatlarında 7,6 bal gücündə daha bir zəlzələ baş verib. Türkiyədə son məlumatlara görə, ölənlərin sayı 29,5 mini, yaralıların sayı isə 80 mini keçib.
“AKP-nin səlahiyyətli komitələrində seçki tarixinin təxirə salınması və ya ləğvi ilə bağlı heç bir qiymətləndirmə aparılmayıb. Lakin mayın 14-də seçkinin keçirilməsi də sual altındadır. Digər tərəfdən, müxalifətdə olan Cümhuriyyət Xalq Partiyasının dəhlizlərində prezident Tayyib Ərdoğanın seçkiləri ən azı 1 il təxirə salacağı ilə bağlı xəbərlər yayılıb. İYİ (İyi Partiya) sədri Meral Akşener özü ilə zəlzələ bölgəsinə gedən jurnalistlərə açıqlamasında mayın 14-nə planlaşdırılan seçkilərin təxirə salındığını, lakin ləğv olunacağını gözləmədiyini bildirib.
TGRT Haber Türkiyə Respublikası Konstitusiyasının 78-ci maddəsinə istinad edərək, seçkilərin təxirə salınmasının yeganə istisnası müharibə vəziyyəti olduğunu bildirib.
