“Ukrayna 5-7 aya Krımı qaytara biləcək. Bu arada müharibə Ukraynanın bütün ərazisi azad olunana qədər davam edəcək.”- Vətəninfo.az xəbər verir ki, bunu Ukrayna prezident aparatının rəhbərinin müşaviri Mixail Podolyak bildirib.
“Biz mütləq çox qısa müddətdə, tarixi baxımdan, çox az, 5-6-7 aya Krımda olacağıq. Ola bilsin ki, bu, çox nikbindir, amma bu, riyazi olaraq təsdiqlənmiş nikbinlikdir”, – o, qeyd edib.
Podolyakın sözlərinə görə, Rusiyanın vəziyyəti nəzarətdə saxlamaq üçün kifayət qədər resursu yoxdur.
“Müharibənin məntiqi tamamilə göz qabağındadır və biz Yalta bəndində Krımın reallıqları barədə mütləq danışa bilərik. Və biz mütləq Krımın tamamilə effektiv gələcəyi haqqında danışa bilərik”, – o əlavə edib.
