Ukrayna Polşadan 100 ədəd “Rosomak” zirehli maşını alacaq.
Vətəninfo.az xəbər verir ki, bu barədə Polşanın baş naziri Mateuş Moravetski “Twitter” hesabında yazıb.
O qeyd edib ki, zirehli maşınların təhvil verilməsi Avropa İttifaqı ölkələri və ABŞ tərəfindən maliyyələşdiriləcək.
“Rosomak”lar ən yüksək səviyyəli personal daşıyıcılarıdır. Bu satınalma Aİ və ABŞ pulu ilə ödəniləcək”, – Moravetski yazıb.
Qeyd edək ki, “Rosomak” zirehli transportyorları Polşa Silahlı Qüvvələrinin flaqmanıdır. Təkərli zirehli transportyor bir çox modifikasiyada istehsal olunur.
