17 oktyabr 2018-ci ildə İranın “elmi elita və yüksək istedadlı gəncləri” ilə görüşdə Xameneyi elm və texnologiya sahəsində inkişaf etməkdə olan ölkələrlə əlaqələrin genişləndirilməsi ilə bağlı demişdi: “Belə ölkələr əsasən Asiyadadır, ona görə də biz Şərqə baxmalıyıq, Qərbə yox”.
Vətəninfo.az xəbər verir ki, İslam Respublikasının Şərqə yönəlik siyasəti Əhmədinejadın prezidentliyi dövründən bu yana İslam Respublikasının xarici siyasətində bir strategiya olaraq və İslam Respublikasının ömürlük diktatoru olan Seyid Əli Xameneyinin göstərişi ilə müəyyən edilib.
İndi Çin liderinin Səudiyyə Ərəbistanına səfəri və Səudiyyə Ərəbistanı, habelə Körfəz ölkələri ilə müqavilələr imzalaması ilə belə görünür ki, İslam Respublikasının bu strateji siyasəti, Şərq və xüsusilə Çinlə bağlı siyasəti dalana dirənib.
