image-lacin-yeni-yolbackend

Xankəndinə və Laçın dəhlizinə Azərbaycan nəzarət etməlidir

image-reklam_sirab_01

“Azərbaycan dövlətinin əsas hədəfi məhz öz ərazisində olan bütün məsələlərə tam nəzarəti özündə ehtiva edir.” -Vətəninfo.az xəbər verir ki, bunu açıqlamasında millət vəkili Ceyhun Məmmədov bildirib.

Millət vəkili bildirib ki, rus sülhməramlılarının müvəqqəti nəzarətində olan Azərbaycan ərazilərində təbii sərvətlərimiz separatçılar və ayrı-ayrı qurumlar tərəfindən qeyri-qanuni olaraq istismar olunur.

“Azərbaycan bununla bağlı dəfələrlə məsələ qaldırıb. Sülhməramlılarla da bununla bağlı razılıq əldə olunmuşdu. Razılığa görə, sülhməramlılar Azərbaycanın dövlət qurumları və yerli təşkilatlara imkan yaradacaq ki, onlar gedib həmin mədənlərə baxış keçirsin. Amma sonradan buna imkan verilmədi. Daha doğrusu sülhməramlılar oradakı separatçıların qalıqları ilə bizə qarşı təxribat həyata keçirməyə çalışdılar. Hazırda ermənilərin yaşadığı ərazilərə Rusiya sülhməramlıları ilə yanaşı, həm də Azərbaycanın dövlət orqanları nəzarət etməlidirlər:”- deyə Ceyhun Məmmədov bildirib.

Millət vəkili hesab edir ki, artıq Azərbaycanın bütün dünya tərəfindən tanınan ərazisinə tam nəzarət etməyinin vaxtı çatıb. BMT-nin Təhlükəsizlik Şurasının azadolunma ilə bağlı 4 qətnaməsi var idi, amma bu yerinə yetirilmədi. Azərbaycan özü bunu icra etdi və biz Vətən Müharibəsində qələbədən sonra iki il müddətində gözlədik ki, bu istiqamətdə real addımlar atılsın, amma heç bir addım atılmadı. Bu ərazilər beynəlxalq hüquqa əsasən Azərbaycan əraziləridir. Azərbaycanın bu ərazilərə tam nəzarət etməyə, ora Azərbaycanın dövlət qurumlarının daxil olmağına tam səlahiyyəti var. O baxımdan hesab edirəm ki, bizim həmin ərazilərə daxil olmağımızın tam vaxtıdır və Azərbaycan bunu ən qısa zamanda edəcək. Ermənilər bilsinlər ki, hansısa təxribatla bunun qarşısını ala bilməzlər.

“Azərbaycanın beynəlxalq hüquqa əsasən həmin ərazilərə girməyə haqqı var, bu təmin olunmadığı üçün Azərbaycan dövləti konkret addım atmağa məcbur qalıb: Andrey Volkov, separatçı Vtali Blasanyan və Ruben Vardanyan üçlüyünün məkirli niyyəti sayəsində azərbaycanlı mütəxəssislərin yerlərdə mineral yataqlarla bağlı monitorinq aparmasının qarşısı alındı: “Hətta onlar Xankəndidə yaşayan erməniləri gətirərək, bu prosesə qarşı bir aksiya da təşkil etdilər. Bu gün Şuşa-Xankəndi yolunda azərbaycanlı qeyri-hökumət təşkilatlarının və fəal vətəndaş cəmiyyətinin üzvlərinin keçirdiyi aksiyanın da məqsədi odur ki, monitorinqlərə icazə verilsin”.

Şuşa-Xankəndi yolunda keçirilən aksiyalar sülhməramlıların həmin ərazilərdə monitorinq aparılmasına razılıq verənə qədər davam edəcək: “Eyni zamanda azərbaycanlı qeyri-hökumət təşkilatlarının təşkil etdiyi bu aksiya beynəlxalq hüquq və fundamental əsaslara söykənir. Ona görə də, Ermənistan tərəfinin burada kimisə günahlandırmasına heç bir əsas yoxdur”. Azərbaycana məxsus təbii sərvətlərin ermənilər tərəfindən qanunsuz istismarına qətiyyən yol verilməyəcək: “Azərbaycan buna göz yummayacaq. Dövlətimizin qəttiyətli mövqeyi sayəsində bu kimi hallara son qoyulacaq. Azərbaycan dövlətinin əsas hədəfi məhz öz ərazisində olan bütün məsələlərə tam nəzarəti özündə ehtiva edir. Qarşı tərəf bunu birdəfəlik anlamalıdır”.- deyə millət vəkili əlavə edib.

Millət vəkili Ceyhun Məmmədov hesab edir ki,  hazırda bu istiqamətdə aksiya davam edir, bu aksiyanı yüksək qiymətləndirirəm.

“Aksiya azərbaycanlı ekofəalların, vətəndaş cəmiyyətinin nümayəndələrinin aksiyasıdır. Bunu ermənilər, digərləri başqa yönə istiqamətləndirməyə çalışsalar da, aksiyanın məqsədi bəllidir. Aksiyanın məqsədi Azərbaycanın dövlət qurumlarına, Ekologiya və Təbii Sərvətlər Nazirliyinə Azərbaycan ərazilərində qeyri-qanuni istismar olunan ərazilərə baxışın keçirilməsinə şərait yaradılması ilə bağlıdır. Bu gün bütün Azərbaycanın ürəyi həmin bölgə ilə döyünür, hər kəs istəyir ki, öz vətəndaş borcunu yerinə yetirərək bu aksiyalarda fəal şəkildə iştirak etsin. Bu Azərbaycanın tam haqqıdır. Madam ki, bizə bunun üçün şərait yaradılmır, o zaman bu yolla biz öz məqsədlərimizə  və hədəfimizə çatmaq istəyirik. Ən qısa şəkildə bizə şərait yaradılmalıdır ki, həmin ərazilərə baxış keçirək.” -deyə bildirib.

 

image-reklam_opel_02

  • whatsapp
  • messenger
  • telegram
  • vkontakte
  • odnoklassniki