Rusiya Xarici İşlər Nazirliyinin sözçüsü Mariya Zaxarova İsraili Qəzzada Əhli Baptist Xəstəxanasına hücumuna aydınlıq gətirməyə çağırıb.
Vətəninfo.az xəbər verir ki, İsrailin Qəzza şəhərində 500 nəfərin həyatını itirdiyi Əhli Baptist Xəstəxanasına hücumunun əks-sədaları davam edir.
M.Zaxarova hadisəni işıqlandırmaq üçün İsraili peyk görüntülərini göstərməyə çağırıb və deyib: “Açığı, biz israillilərdə məsuliyyətdən yayınma görürük. Zəhmət olmasa, regionu kosmosdan izləyən amerikalı tərəfdaşlarınızla peyk şəkillərini yayımlayın”.
Almaniya hökuməti də bildirib ki, İsrail Qəzzada Əhli Baptist Xəstəxanasına hücumla bağlı hadisəyə ətraflı aydınlıq gətirməlidir.
