ABŞ prezidenti Co Bayden Ukrayna prezidenti Vladimir Zelenskini Ağ Evdə qarşılayıb. Vətəninfo.az xəbər verir ki, Co Bayden ABŞ-ın “Ukraynanın özünü müdafiə qabiliyyətini, xüsusən də hava hücumundan müdafiəsini gücləndirməyə davam edəcəyini” vəd edib.
Çərşənbə günü səhər ABŞ-ın dövlət katibi Entoni Blinken Ukraynaya Patriot raketdən müdafiə sisteminin ilk transferi də daxil olmaqla, 1,85 milyard dollar əlavə yardım göstəriləcəyini açıqlamışdı.
Zelenski Baydenə Hərbi Xidmətlərə görə Ukrayna Xaçını təqdim edib. O, Baydenə və ABŞ Konqresinə dəstəyə görə təşəkkür edib, həmçinin Amerika xalqına təşəkkür edib.