Ukrayna prezidenti Vladimir Zelenski ölkənin hava hücumundan müdafiəsini əhəmiyyətli dərəcədə gücləndirən yeni sistemlər aldıqlarını açıqlayıb. Vətəninfo.az xəbər verir ki, bunu Vladimir Zelenski müharibənin 257-ci gününün sonunda videomüraciətində deyib.
“Bu gün ölkəmizin 50-dən çox yaşayış məntəqəsi hücuma məruz qalıb. Donbass, Zaporojya, Xerson, Nikolaevşina, Xarkovşina, Dnepropetrovsk vilayəti… Raketlər, aviasiya, çoxsaylı buraxılış raket sistemləri. Hər yerdə cavab veririk. Lazımi nəticələr də var: daha bir rus təyyarəsi vuruldu. Biz həmçinin hava hücumundan müdafiə sistemimizi əhəmiyyətli dərəcədə gücləndirən yeni sistemlər aldıq. Biz qalib gələcəyik”, – deyə o bildirib.
