Vətəninfo.az xəbər verir ki, İspaniya çempionu və Çempionlar Liqasının kubokunun sahibi “Real Madrid”in italiyalı baş məşqçisi Karlo Ançelotti Çempionlar Liqasının 5-ci turu çərçivəsində səfərdə İngiltərə Premyer Liqasının lideri “Liverpul”a 0:2 hesablı məğlubiyyəti şərh edib.
“Çətin matç oldu və bu, əvvəldən aydın idi. Biz Avropanın ən mürəkkəb stadionunda oynadıq, çünki onların əla dinamikası var. Mbappe cərimə zərbəsinə qədər vuruşduq və oyunda idik. Sonra tempimiz aşağı düşdü. İlk hissədə yaxşı müdafiə olunduq, lakin əks-hücumlardan daha yaxşı istifadə edə bilərdik. İki-üç şansımız oldu.
Komandamızın oyunu xoşuma gəldi, çünki Avropanın ən çətin rəqibinə qarşı mübarizə apardıq. Ədalətli nəticədir. İntensivlik və dinamika nöqteyi-nəzərindən onlar layiqli qələbə qazandılar”, – Ançelottinin çıxışını AS sitat gətirir.
Çempionlar Liqasının turnir cədvəlinə 15 xalla “Liverpul” başçılıq edir, “Real” 6 xalla 24-cüdür.
