Dünya çempionatının Cənubi Amerika zonasının seçmə turnirinin 11-ci turunda dünya çempionu və Amerika kubokunun qalibi Argentina yığması Paraqvay yığmasını qəbul edib və 1:2 hesabı ilə məğlub olub.
Vətəninfo.az xəbər verir ki, argentinalıların yeganə qolunu İtaliya çempionu “İnter Milan”ın hücumçusu Lautaro Martines vurub. Effektiv hərəkətləri ilə seçilməyən argentinalıların start heyətində amerikalı “İnter Mayami”nin 37 yaşlı hücumçusu Lionel Messi də bütün oyunu keçirib.
Argentina 22 xalla lider, Paraqvay 16 xalla 5-cidir.
Braziliya yığması rəqib meydanında Venesuela ilə 1:1 hesablı heç-heçə edib.
Braziliyalıların qolunu La Liqa lideri “Barselona”nın hücumçusu Rafinya vurub.
“Real Madrid”in hücumçusu Vinisius Junior 1:1 hesabı ilə başa çatan penaltini dəqiq yerinə yetirə bilməyib.
Braziliya 17 xalla üçüncü yerdədir.
