Avropa İttifaqı Kulevi neft emalı zavodunu Rusiya əleyhinə 21-ci sanksiya paketinin bir hissəsi olaraq qara siyahıya salıb. Vətəninfo.az xəbər verir ki , bu barədə Avropa İttifaqı Şurasının Aİ-nin Rəsmi Jurnalında dərc olunmuş qərarında deyilir.
Əsaslandırmada deyilir ki, neft emalı zavodu guya Rusiya neftinin ticarəti və emalı ilə məşğul olur və bununla da Rusiya əleyhinə sanksiyalardan yayınmağa kömək edir. Qeyd olunur ki, qadağa 25 yanvar 2027-ci ildə qüvvəyə minəcək.
On gün davam edən gərgin müzakirələrdən sonra Aİ ölkələri 23 iyulda Rusiyaya qarşı 21-ci sanksiya paketi barədə razılığa gəliblər. Avropa Şurasının prezidenti Antonio Kostanın sözlərinə görə, yeni paket enerji, maliyyə xidmətləri, kriptovalyutalar və ticarətə yönəlib. Avropa Komissiyasının prezidenti Ursula fon der Leyenin sözlərinə görə, siyahıya daha 32 Rusiya bankı əlavə edilib və onlarla əməliyyatlar qadağan olunacaq. Sanksiyalar siyahısına neft ticarət platformaları, kripto şirkətləri də daxildir və hərbi əməliyyatlarda iştirak edən rusiyalıların Aİ-yə girişi qadağan ediləcək. Bundan əlavə, Moskvanın bazar şoklarından faydalanmaması üçün Rusiya neftinin qiymətinin yuxarı həddi bir il müddətinə barel üçün 44 dollar səviyyəsində dondurulub.
