“Hər gün zəlzələ olur, ötən gecə 36, ondan öncəki gecə isə 31 yeraltı təkan qeydə alınıb”.
Bunu AMEA nəzdində Respublika Seysmoloji Xidmət Mərkəzinin baş direktoru, AMEA-nın müxbir üzvü, professor Qurban Yetirmişli deyib.
O bildirib ki, bu o demək deyil ki, yeraltı təkanlarda oyanma var:
“Onların içərisində zəif dərəcədə hiss olunanları olur. 100 nəfərdən biri bu yeraltı təkanları hiss edər, ya etməz. Azərbaycanda qorxulu bir zəlzələ gözlənilmir. Əksinə, yeraltı təkanların belə – üç bala yaxın, üç bal gücündə xırda-xırda qeydə alınması yaxşıdır”.
“Son günlərdə Zaqatala, Balakən, Salyan, Mingəçevir tərəflərdə üç bal gücündə zəlzələlər olmuşdu”, – deyə Q.Yetirmişli qeyd edib.
08:47
Biləsuvar rayonunda zəlzələ baş verib.
Yeraltı təkanlar saat 07:47-də qeydə alınıb.
Zəlzələ üç bala qədər hiss olunub.
Dağıntı və tələfat barədə məlumat yoxdur.
