Bakının Xəzər rayonunda yol qəzası zamanı iki nəfər xəsarət alıb.
Veteninfo.az xəbər verir ki, hadisə Zirə qəsəbəsi ərazisində baş verib.
Yolun piyadalar üçün müəyyən edilməmiş hissəsindən keçən 1995-ci il təvəllüdlü Fərzəliyeva Fatimə Arzuman qızı və 1979-cu il təvəllüdlü Səmədova Ülviyyə Məhəmməd qızını minik avtomobili vurub. Hər iki qadın ağır bədən xəsarətləri alıb. Yaralılar xəstəxanaya yerləşdirilib.
Faktla bağlı Xəzər Rayon Polis İdarəsində araşdırma aparılır.
