Bakının Xətai rayonunda bıçaqlanma hadisəsi baş verib.
Veteninfo.az xəbər verir ki, hadisə Ramiz Quliyev küçəsində yaşanıb.
1979-cu il təvəllüdlü Əhmədzadə Əsəd Azər oğlu tanıdığı şəxslə əlbəyaxa dava zamanı bıçaqlanıb. O, sol budun və kürəyinin kəsilmiş-deşilmiş yaraları diaqnozu ilə xəstəxanaya yerləşdirilib.
Yaralı cərrahi əməliyyat olunaraq xəstəxanın reanimasiya şöbəsinə yerləşdirilib.
Faktla bağlı Xətai Rayon Polis İdarəsinin 37-ci Polis Şöbəsinin əməkdaşları tərəfindən hadisəni törədən şəxs saxlanılıb.
