image-25backend

Bakının rayonları BİRLƏŞDİRİLİR? – Deputat bu ideyanı dəstəkləmir…

image-reklam_sirab_01

Bakının bəzi rayonlarının ləğv edilərək, vahid rayonda birləşdirilməsilə bağlı məlumatlar var. Optimallaşdırma çərçivəsində Nizami rayonunun ləğv ediləcəyi, ərazisinin Xətai və Nərimanov rayonları arasında bölüşdürüləcəyi bildirilir.

 

 

Digər məlıumatlarda Bakının Səbail, Nəsimi, Yasamal, Nərimanov və Xətai rayonunun mərkəzi hissələrinin birləşdirərək, yeni mərkəzi rayon formalaşdırılacağı iddia olunur.

 

Bu barədə Modern.az-a danışan Milli Məclisin Regional məsələlər komitəsinin üzvü Tahir Rzayev deyib ki, Bakının rayonlarının birləşdirilməsi haqqında təkliflər həm vacib, həm də üzərində düşünülməyə dəyər məqamdır. Çünki bəzi hallarda birləşmələr yaxşı səmərə vermir.

 

T.Rzayev idarəetmənin təkmilləşdirilməsi haqqında addımların zamanı çatdığını düşünür:

 

“İdarəetmənin təkmilləşməsi, islahatların aparılması təbii prosesdir, ölkənin inkişafı, müəyyən problemlərin aradan qaldırılması üçün çox vacibdir. Lakin bu, üzərində ciddi müzakirələrə ehtiyac olan məsələdir. Əvvəllər də belə praktika olub. Sovetlər dövründə Nikita Xruşşov rayonların birləşdirilməsi ilə əlaqədar qərar verdi. Böyük təsərrüfatlar ləğv edildi və s. Lakin çox çəkmədən birləşmənin fəsadları ortaya çıxdı. İlk növbədə bu cür addım insanların narahatlığına səbəb oldu.

Bu gün prezidentin qarşıya qoyduğu ən mühüm məqamlardan biri əhali ilə ünsiyyətin genişləndirilməsidir. İnsanlarla təmasda olmaq, onların təkliflərini dinləmək, daim onlarla ünsiyyətdə olub, lazımi problemləri aradan qaldırmaqdır”.

 

Deputatın sözlərinə görə, Bakının elə rayonu var ki, 200-300 min sakin məskunlaşıb. Belə böyük rayonların daha da genişləndirilməsi, hansısa rayonun birləşdirilməsi idarəetmədə çox ciddi təkmilləşmə tələb edir:

 

“Kadrların qabiliyyətinin artırılması, iş məhsuldarlığının yüksəldilməsi vacib amilə çevrilir ki, heç bir sakinin problemi diqqətdən kənarda qalmasın. Birləşmə əvəzinə çox zaman ayırmaların həyata keçirilməsi daha optimal variant hesab edilir. İşlərin operativ həyata keçirilməsi üçün yerlərdə icra nümayəndələri və s. kimi təsisatların yaradılması çox vacibdir. Ona görə, düşünürəm ki, təkliflərlə bağlı dövlət səviyyəsində təhlillər aparılmalı, mütəxəssislərin fikirləri öyrənilməlidir. O rayonların şəraiti, əhalinin sayı nəzərə alınmalıdır. Ola bilər kiçik rayonlar, kəndlər birləşdirilə, idarəetmə mərkəzləşdirilə bilər. Lakin böyük kənd və ya rayonların birləşdirilməsi problemlərə gətirib çıxara bilər. Bəzi insanlar dərindən araşdırmadan, nəticələrini əvvəlcədən analiz etmədən belə təkliflərlə çıxış edirlər. Birdən-birə belə vacib qərarları qəbul etmək yaxşı nəticələrə yol açmaya bilər”.

image-reklam_opel_02

  • whatsapp
  • messenger
  • telegram
  • vkontakte
  • odnoklassniki