Vətəninfo.az xəbər verir ki, Almaniyanın yeni çempionu “Bayer Leverkuzen” məğlubiyyətsizlik seriyası üzrə Avropa rekordunu yeniləyib. İspaniyalı Xabi Alonsonun rəhbərlik etdiyi komanda ardıcıl 50 oyundur ki, uduzmur.
Bundesliqanın 33-cü turunda səfərdə “Bohum”a 5:0 hesabı ilə qalib gələn “Bayer” 87 xala malikdir.
Mayın 10-da yarımfinalın cavab oyununda İtaliya “Roma”sı ilə 2:2 hesabı ilə oynayan “Bayer” ardıcıl məğlubiyyətsiz matçların sayına görə (49) Portuqaliya “Benfika”sının rekordunu təzələyib.
“Bayer” Avropa Liqasının finalında İtaliya “Atalanta”sının rəqibi olacaq.
