“Real Madrid” rəhbərliyi Cude Bellinqhemin çiynindən əməliyyat olunmasına icazə verməli olacaq. Vətəninfo.az xəbər verir ki, bu barədə The Athletic məlumat yayıb. Sağalması üçün 2-3 ay vaxt lazımdır. Bellinqhem ötən ilin noyabrında çiynindən zədə almışdı. Ötən mövsümün və Avro-2024-ün mühüm hissəsini qaçırmamaq üçün əməliyyat təxirə salınıb.
Ötən yay Dortmund “Borussiya”sından “Real”a keçən Bellinqhem son klub mövsümündə 42 matçda iştirak edib, 23 qol vurub, 13 məhsuldar ötürmə edib.
Avro-2024-də Bellinqhem 7 matçda iştirak edib, 2 qol vurub, 1 məhsuldar ötürmə edib. İngiltərə finalda İspaniyaya 1:2 hesabı ilə uduzub.
Transfermarkt Bellinqhemin transfer dəyərini 180 milyon avro qiymətləndirir.
