Vətəninfo.az xəbər verir ki, “Politico” saytı “Çin husilərin Qırmızı dənizdə hücumlarını necə maliyyələşdirib?!” başlıqlı yazısında qeyd edir ki, Pekin İran neftini almaqla onun iqtisadiyyatının asılılığını pozmağa çalışır.
Qərbin kəşfiyyat rəsmilərinin məlumatına görə, Çin istəmədən İrana Qırmızı dənizdə gəmi ticarətini boğmağa kömək edərək, qlobal ticarət axınına xələl gətirir və bu proses Pekinin öz maraqlarına da zərbə vurur.
Çinin qanunsuz İran neftini alması dolayısı ilə Yəmən husi üsyançılarının Qırmızı dənizdə son silsilə hücumlarını maliyyələşdirir və gəmiçiliyə təsir göstərir.
Sayt bildirir ki, Çin İran neftinin təxminən 90%-ni, o cümlədən SEPAH-ın Qüds qanadı tərəfindən satılan xam nefti alır. SEPAH-ın Qüds qanadı, Livandakı Hizbullah və Yəməndəki Husi üsyançıları da daxil olmaqla, Orta Şərqdə İranın proksi qüvvələrini hazırlayır və maliyyələşdirir.
Çin İran vasitəsilə Husiləri maliyyələşdirir
