“Biz Azərbaycanda turizm sahəsini inkişaf etdirməklə iqtisadiyyatımızın gücləndirilməsinə də nail oluruq”.
Vətəninfo.az-ın xəbərinə görə, bunu Milli Məclisin deputatı Mahir Abbaszadə parlamentin bu gün keçirilən iclasında deyib.
Onun sözlərinə görə, 2019-cu ildə ÜDM-də turizmin payı 2,3 faiz artıb: “30 ilə yaxın işğal altında olan ərazilərimizi ötən il Müzəffər Ali Baş Komandanın rəhbərliyi ilə düşməndən təmizlədik. Bu gün azad edilmiş ərazilərimizdə geniş bərpa-quruculuq işləri aparılır. Biz azad edilmiş ərazilərdə qış və yay turizmini inkişaf etdirilməsində yeni imkanlar əldə etmişik. Eyni zamanda, biz həmin ərazilərdə turizmi inkişaf etdirməklə, oradan məcburi köçkün düşmüş insanların məşğulluq problemini də həll etmiş olarıq. Ona görə də “Turizm haqqında” qanunun qəbul edilməsini çox vacib hesab edirəm”.
