Peyvəndlənmə ilə bağlı həm dünyada həm də ölkəmizdə çox mühüm işlər görülür.
Veteninfo.az xəbər verir ki, bunu parlamentin iclasında çıxışı zamanı deputat Rəşad Mahmudov bildirib.
Deputat universitetlərdə hamilə və uşaq əmizdirən xanımlarla bağlı qarşılaşdığı məsələni müzakirəyə çıxarıb:
“Koronavirusun yayılmasının qarşısının alınmasında peyvəndlənmə mütləqdir.
Uşaq əmizdirən və hamilə xanımlardan universitetə, ya da təhsil müəssisələrinə daxil olarkən onlardan vaksin pasportu tələb olunur. Bir tələbə xanım öz istəyi ilə bunu qəbul etməyərək, universitetdə tələbə adından imtina edib.
Amma biz hamilə və uşaq əmizdirən xanımları məcbur edə bilmərik. Həmçinin əks göstəriş sertifikatı da istənməməlidir. Hesab edirəm ki, universitetlər və təhsil müəssisələri onların təhsil almaları üçün anlayış göstərməlidirlər”.
